Mila nahi tera seena Sakina zinda hai

Tamachay kha ke bhi baba Sakina zinda hai

Laeen ne dur ko utara nahi hai khencha hai

Usay bataiye bhaiyya Sakina zinda hai

Woh dekh aayi hai baba ki laash maqtal mein

Na janay kaisay khudaya Sakina zinda hai

Katay saron ki sada thi yeh sham e ghurbat mein

Na maar shimar khudara Sakina zinda hai

Wo nok e naiza se Asghar ka sar gira detay

Kabhi jo dekhna hota Sakina zinda hai

Usay Batool se nisbat hai dard sehney mein

Kay neela ho gaya chehra Sakina zinda hai

Hain us ke charon taraf us ke baap kay qatil

Sitam ki bheer mein tanha Sakina zinda hai

Hai siskiyon ki sada ab bhi sham mein ahsan

Abhi bhi lagta hai aisa Sakina zinda hai