Musafirane musibat watan may aate hain
نہ مہمل ہے نہ ہودج ہے
نہ لشکر کی وہ سج دھج ہے
نہ سر پہ علم نہ چادر ہے
اللہ یہ کیسا منظر ہے
مسافرانِ مصیبت وطن میں آتے ہیں
سفر سے آتے ہیں سوغاتِ درد لاتے ہیں
کیا سلام محمد کے آستانے کو
لُٹا کے آئے ہیں زہرا کے سب گھرانے کو
نہ کر قبول توں ہم بے کسوں کے آنے کو
یہ نوحہ کرتے ہیں اور اشک خوں بہاتے ہیں
مدینہ ہم تیرے والی کو آئے ہیں کھو کر
مدینہ کوفے میں سر ننگے ہم پھرے دردر
مدینہ داغِ رسن ہیں ہمارے شانوں پر
اُٹھا کے ہاتھ مدینے کو یہ سناتے ہیں
ہر اک قدم ہے بُقا کب لبوں پہ بین نہیں
ہم آئے زندہ پر زہرا کا نورِ عین نہیں
مدینہ اکبر و قاسم نہیں حسین نہیں
یہ کیسے کیسے جواں تھے جو یاد آتے ہیں
مدینے والو!کہو اُس بہن کی کیا تقدیر
جو دیکھے اپنے برادر کے حلق پر شمشیر
لہو میں غرق جو دیکھے حسین کی تصویر
لہو میں کیا یونہی بھائی کا سر دیکھتے ہیں
بتائو کہتے ہیں کیا سب اُس اماں جائے کو
جو اربعیں تلک دے کفن نہ بھائی کو
بہن دیکھائے گی منہ کس طرح خدائی کو
کفن دیا ہے نہ اُن کی لحد بناتے ہیں
چلا بشیر یہ دیتا ہوا خبر ہر جا
مگر محلہِ ہاشم میں دیکھتا ہے کیا
کہ اک مریضہ سرِ راہ ہے کھڑی تنہا
ہے منتظر کہ وہ کنبے کے لوگ آتے ہیں
خبر یہ پھیلی تو ماتم ہر ایک گھر میں ہوا
نکل نکل پڑیں سب عورتیں برہنہ پا
گری زمین پہ صغریٰ کہ اُس پہ چرخ گرا
جو سوگوار ہیں صغریٰ کے پاس آتے ہیں
فضائے درد میں لے کر اُداسیاں آئیں
سفر سے لوٹ کے اِدھر بھوکی پیاسیاں آئیں
اُٹھو رسول تمھاری نواسیاں آئیں
کہ خود کو اونٹوں سے اہلِ حرم گراتے ہیں
جو آئی کان میں آواز بانو مضطر
کہاں ہو اے میرے والی امام جن و بشر
تڑپ کے رہ گئی صغریٰ بپا ہوا محشر
دبیر بس کے اب افلاک تھر تھراتے ہیں
Na mehmil hai na haudaj hai
Na lashkar ki wo sajdhaj hai
Na sar pe alam na chadar hai
Allah ye kaisa manzar hai
Musafirane musibat watan may aate hain
Safar se aate hai saughate dard laate hain
Kiya salam Mohamed ke aastane ko
Luta ke aaye hai Zehra ke sab gharane ko
Na kar qubool tu hum bekaso ke aane ko
Ye noha karte hai aur ashk khoon bahate hain
Madina hum tere waali ko aaye hain kho kar
Madina koofe may sar nange hum phire dar dar
Madina daaghe rasan hai hamare shano par
Utha ke haath madine ko ye sunate hain
Har ek qadam hai buka kab labon pe bayn nahi
Hum aaye zinda par Zehra ka noor e ayn nahi
Madina Akbar o Qasim nahi Hussain nahi
Ye kaise kaise jawan thay jo yaad aate hain
Madine walon kaho us behan ki kya taqdeer
Jo dekhe apne biradar ke halq par shamsheer
Lahoo may ghark jo dekhe Hussain ki tasveer
Lahoo may kya yunhi bhai ka sar dikhate hain
Batao kahte hai kya sab us amma jayi ko
Jo arbaeen talak de kafan na bhai ko
Behan dikhayegi moo kis tarha khudayi ko
Kafan diya hai na unki lehed banate hain
Chala basheer ye deta huwa khabar har ja
Magar mehellaye hashim may dekhta hai kya
Ke ek mareeza sare raah hai khari tanha
Hai muntazir ke wo kunbe ke log aate hain
Khabar ye phaili to matam har ek ghar may huwa
Nikal nikal pari sab auraten barehna pa
Giri zameen pe Sughra ke uspe charkh gira
Jo sougwar hain Sughra ke paas aate hain
Fiza e dard may lekar udasiya aayi
Safar se lut ke idhar bhooki pyasian aayi
Utho Rasool tumhari nawasiya aayi
Ke khud ko oonto se ehle haram ghirate hain
Jo aayi kaan may awaaz e Bano e muztar
Kahan ho ay mere waali imam e jin o bashar
Tarap ke rehgayi Sughra bapa huwa mehshar
Dabir bas ke ab aflaak thar tharate hain