Shab ki tareeki mein namaz e shab kay baad

Mera mazloom Imam dua maang raha hai

Mere maula tujhe wasta is ghareeb kay ashkon ka

Sukoon e dil ke liye kar mujhe Sakina ataa

Allah Allah Allah Allah

Namaz e shab me koi baap maangta hai dua

Sukoon e dil kay liye kar mujhe Sakina ataa

Diya hai sabar tou mujhko qaraa bhi dede

Mehek Batool ki Haider ka pyar bhi dede

Usay mai dekhun tou yad aye mjhko maa Zahra

Wo mere seene pay soye tou dharkane khush hon

Chale wo ungli pakar kar tou ahaten khush hon

Wo mange pani to hathon ko mai karun kooza

Suna hai beti janaze ki hoti hai ronak

Mujhe bhi chahiye Quran e zindagi ka waraq

Mile janaze ki ronak baraye karbobala

Ibadaton ka sila tujh say maangta hun mai

Yahi tou ek dua tujhsay maangta hun mai

Charagh e khaima bujhaun tou wo ho misl e diya

Sataye yaad usay jab hamare seenay ki

Tou qaid khanay me majlis bapa karay meri

Phupi k sath musalle pe wo karay girya

Khuda ne sun li dua e Hussain Ibn e Ali

Mili wo beti jo bilkul shabih e Zahra thi

Sukoon mil gaya Sheh ko Sakina naam rakha

Magar sukoon ye karbobala me jaata raha

Hui yateem Sakina bandha rasan me gala

Husain rotay thay ye kehkar barsar e naiza

Sitam ye shaam k darbar me hua kesa

Jisay Hussain apnay Khuda se maanga tha

Usay kaneezi me apni kisi ne maang liya

Rehan aazmi kehti thi Karbala ki faza

Hai baap beti ka ye imtehaan kaisa Khuda

Har ek zulm pay dono kay lab pay hai ye sada