Nok e naiza say dekh lo baba Ab wo Sajjad na raha Sajjad
ہائے ہائے شام ہائے ہائے شام
نوکِ نیزا سے دیکھ لو بابا
اب وہ سجاد نہ رہا سجاد
جس گھڑی بے ردا ہوئی زینب
کربلا میں ہی مر گیا سجادؑ
نوکِ نیزا سے دیکھ لو بابا
اب وہ سجاد نہ رہا سجاد
کیا ہے پردہ یہ شام والوں کو
میری دادی نے ہی سکھایا ہے
اُن ہی لوگوں نے میری پھوپھیوں کو
بے ردا شام میں پھرایا ہے
کیا غضب ہے کہ ہاتھ پھیلا کر
مانگتا ہے بس اِک رِدا سجاد
ہائے جس نے بغیرمحمل کے
گھر سے باہر قدم نا رکھا تھا
اُس پھوپھی کو زمانے والوں نے
آپ کے بعد بے ردا دیکھا
کاش عباسؑ آج ہوتے تو
یہ قیامت نہ دیکھتا سجاد
سر پہ جب تک تھا آپ کاسایہ
ماؤں بہنوں کے سر پہ تھی چادر
ورنہ میں بھی علیؑ کا بیٹا ہوں
جانتا ہوں میں جنگ کے جوہر
دیکھ کر بے ردا پھوپھی کا سر
شرم کے مارے جُھک گیا سجاد
ننھے بچوں کے ہاتھوں میں پتھر
دے کے مارا گیا سکینہ کو
پشتِ ناقہ سے بھی گرایا اور
تازیانے لگے یتیماں کو
میں بندھے ہاتھ دیکھ کر رویا
اُس نے ہر درد پر کہا سجاد
بدر و خیبرکی جو عداوت تھی
اُسکا یوں انتقام لیتے ہیں
شام کے لوگ بھیڑ میں ہردم
میری پھوپھیوں کا نام لیتے ہیں
تازیانے تو سہہ گیا بابا
طنز لیکن نہ سہہ سکا سجاد
اس طرح سے بندھے ہیں رسّی سے
ہاتھ میرے گلے یتیموں کے
میں جھکوں تو زمین سے بابا
پاؤں اُٹھتے ہیں ننھے بچوں کے
بس رکوع میں ہی شکر کے سجدے
کر کے گزرے گا اب تیرا سجاد
جس بہن نے ہمیشہ جینے کی
ہائے عباسؑ کو دعائیں دی
بے ردا سر پہ رکھ کے ہاتھوں کو
اُس نے عباس کو صدائیں دی
سر سنا سے وہاں گرا اُن کا
اور یہاں خاک پر گرا سجاد
اپنے مولاؑ کے ایک آنسو کا
حق ادا نا سحابؔ کر پایا
گرتے اشکوں کی روشنائی سے
دل کے قرطاس پر یہی لکھا
کتنا گہرا ہے غم رداوں کا
یا خدا جانتا ہے یا سجاد
Haye haye Shaam haye haye Shaam
Nok e naiza say dekh lo baba
Ab wo Sajjad na raha Sajjad
Jis ghari bey rida hui Zainab
Karbala me hi marr gaya Sajjad
Nok e naiza say dekh lo baba
Ab wo Sajjad na raha Sajjad
Kya hay parda yeh shaam walo ko
Meri dadi nay hi sikhaya hay
Unhi logo nay meri phuppion ko
Bey rida shaam may phiraya hay
Kya hay ghazab hay kay hath phela ker
Mangta hay bus ik rida Sajjad
Haye jis nay baghair mehmil kay
Ghar say bahir qadam na rakha tha
Us phupi ko zamane walon nay
Aap kay baad bey rida dekha
Kash Abbas aaj hotey tou
Yeh qayamat na dekhta Sajjad
Sar pey jab tak tha aap ka saya
Maon behno kay sir pey thi chadar
Warna main bhi Ali ka beta hun
Janta hun main jang kay jauhar
Dekh ker be rida phupi ka sar
Sharm kay maray jhuk gaya Sajjad
Nannay bacho kay hathon may pathar
De ker mara gaya Sakina ko
Pusht e naqa say bhi giraya aur
Taziyane lage yateema ko
Main bandhay haath dekh ker roya
Us nay har dard per kaha Sajjad
Badar o khayber ki jo adawat thi
Uska yun inteqaam letay hain
Shaam kay log bheer may har dam
Meri phuppiyun ka naam letay hain
Taziyane tou seh gaya baba
Tanz lekin na seh saka Sajjad
Is tarah say bandhy hain rassi say
Hath mere galay yateemo kay
Main jhukun tou zameen say baba
Paoun uthtey hain nanhay bacho kay
Bus ruku me hi shukr kay sajday
Kar kay guzrega ab tera Sajjad
Jis behan ney humesha jeenay ki
Haye Abbas ko duaen di
Be rida sar pay rakh kay hathon ko
Us ney Abbas ko sadaen di
Haye sar sina say wahan gira unka
Aur yahan khaak per gira Sajjad
Apne maula kay aik aansu ka
Haq ada na sahaab ker paya
Girtey ashkon ki roshnayi say
Dil kay kirtaas per yahi likha
Kitna gehra tha gham ridaon ka
Ya Khuda janta hay ya Sajjad