Paikaan baras rahay hain taboot par Hasan ke

Ummat mita rahi hai aasar panjtan ke

Baba ke dil ke tukray tu ne ginay bahatar

Tukray hazar hoon gaye qasim tere badan ke

Zainab pukari bhai dil dobata hai mera

Uglo na dil ke tukray sadqay gayi dahan ke

Bait-ul-nabi se haye utha hai phir janaza

Yasrab ki bastiyon mein jhagray hain phir dafan ke

Zahra jahan giri thin lasha wahan na jaye

Phir zakhm khul na jaein zayr e kafan Hasan ke

Qabar e Hasan pe us dam larza tha aik tari

Sadaat ne dikhaye kuch neel jab rasan ke

Tan par to hai Hasan ke go chid gaya hai sara

Muhtaj hi raheingy shabir tou kafan ke

Yasrab mein karbala mein baghdad o samara mein

Afsos phool bikhre Zahra tere chaman ke

Taboot se lipat ke Qasim pukare baba

Aansu akhi ke dekho nohay suno behan ke

Aakhir ki hichkiyon mein Shabbar ne ro kay chumay

Shabbir ka gala aur bazu bari behan ke

Zainab hai baal kholay ummat hai teer tolay

Pucho na sham ki jab yeh haal hain watan ke