Royi jab laadli Muhammad ki sara darbar muskuraya hay

Haye baad e Rasool Zehra par kaisa ghurbat ka waqt aya hay

Jese jese Batool roti theen qehqahay unkay barhtay jatay thay

Sath jinko Batool laayi theen ashk dono gawah bahatay thay

Sab thay masroof muskuranay me na kisi ko bhi tars aya hay

Tere mimbar pe bethay ghasib ko teri tehreer bhi dikhayi hay

Karkay tukray laeen ne baba bharay darbar me urayi hay

Paak tehreer ko hay tukron me maine darbar se uthaya hay

Mai tou wo hun kay ya Rasool Allah jiski taazeem aap kartay thay

Naam lena ho jab mera baba aap pehlay durood parhtay thay

Kya btaun kay mujh pe kya guzri us ne tu keh kay jab bulaya hay

Ye wo bibi hay kay Muhammad bhi jisko Umme Abiha kehtay thay

Wo sawali bani khari thi magar samnay kursiyon par bethay thay 

Usko muslim kahun bhala kyun kar jisne bibi ka dil dukhaya hay