Haye mazloom Sakina

Haye mazloom Hussain

Haye Baba mazloom baba 

Rula rula kay tujhy qatal kar diya baba

Teri Sakina ko yeh dard kha gaya baba

Tumhari beti ko aata nahi kuch aur nazar

Meri nigah mein phirta hai ab yehi manzar

Tumhari zulfon mein zalim ka hath tha baba

Main kis tarah say bataun woh waqt kaisa tha

Sitam yeh baap pe beti pe aik jaisa tha

Teri tarha say tamancha mujhy laga baba

Jisay pehan kay kaha tha yeh aap nay mujh say

Sakina yeh meri maa nay siya tha mery liye

Tery badan pay woh kurta nahi mila baba

Akeli main nahi dadi bhi sath hain mere

Yeh zakhmi teri mohabbat mein hath hain mere

Main rokti rahi khanjar nahi ruka baba

Jaga nashaib mein day do meri yateemi ko

Chupa lo dhair mein in patharon kay beti ko

Sakina bhool gayi ghar ka raasta baba

Haye meri ghareebi pe karta nahi hai koi nazar

Tumhen to maara hai baba rula rula kay magar

Mujh tou ronay pay bhi milti hay saza baba

Hai qatal gah Sakina ki shaam tak ka safar

Tumhen lagy ga chalaya hay shimr ne khanjar

Galay pay dekho nishan e rasan zara baba

Kamar jhuki hui aankhon mein kam basaarat thi

Jawaan kay lashy pay jaisi tumhari halat thi

Tumhary lashy pay woh mere haal tha baba

Woh qabr mein tou takallum hay ek zamanay say

Magar sadayen yeh ati hain qaid khanay say

Mera rasan mein gala hai bandha hua baba