Shimr nay pehle Sakina ko dikhaya khanjar

Baad may gardan e Sarwar pay chalaya khanjar

Kabhi Haider nay gala rakha kabhi Zahra nay

Kitnay masoomon pay zalim nay chalaya khanjar

Baap par waar tou beti pay tamanchay barsay

Jab bhi qatil ka Sakina nay hataya khanjar

Aik angoothi kay liye kaat di angusht e Hussain

Laash par Sheh ki tujhay rehem na aya khanjar

Qatl Zainab ko kiya chheen kay chadar sar say

Is tarah shimr nay naizay ko banaya khanjar

Aik sharabi ko aziyat ka kahan andaza

Jis tarah chaha sitamgar nay chalaya khanjar

Aye Sajjad jo bazar e madina may kabhi

Tou barh kay qassab nay jaldi say chupaya khanjar

Phair kar munh ko Ali kehnay lagay ya Zahra

Itni bedardi say zaalim nay phiraya khanjar

Wa Hussaina ka hua shor takallum barpa

Shimr mukhtar kay jab samnay laya khanjar