Abadwallah ya Zahra maninsa Hussaina

Matami mujhko banaya ap ny Mazloom ka

Shukriya ya Fatima

Meri matti mein bhi rakh di ap ny khak e shifa

Shukriya ya Fatima

Matami mujh ko banaya ap ny Mazloom ka

Shukriya ya Fatima

Jab bichaya farsh e matam Hazrat e Shabbir ka

Pursa lenay qabar say aain meray ghar Fatima

Yeh mera kachcha makaan bhi rashk e jannat ho gaya

Shukriya ya Fatima

Dil bhatakta tha mera duniya kay rang mein darbadar

Aap nay kar kay meri kotahiyon ko darguzar

Bakhshwanay kay liye karbobala bulwa liya

Shukriya ya Fatima

Zulm ka aiwaan khutbay say giraya aapnay

Haq milay ya na milay sar na jhukaya ap nay

Nusrat e Mazloom ka hum ko dikhaya rasta

Shukriya ya Fatima

Haye Ali Mola Ali

Jab bandhi gardan mein rassi Shah e khaibar geer kay

Apnay wali ko bachaya zalimon say ap nay

Hashr tak Haider kay lab par hai tabhi yeh marsiya

Shukriya ya Fatima

Ehtram e Fatima ka yeh mila us ko sila

Us ka qad bhi Anbiya say aik lamhay mein barha

Rukh baqaiyya ki taraf kar kay yeh di Hurr nay sada

Shukriya ya Fatima

Jaa kay balway nay bachaya ismat e Shabbir ko

Tarbiyat yun ap nay di Zainab e dilgeer ko

Meri behnon ko bhi parday ka saleeqa aa gaya

Shukriya ya Fatima

Jab suni maa nay madinay mein yeh Zainab say khabar

Ho gaye Shabbir pay qurban us kay sab pisar

Keh kay yeh Umm ul Baneen nay shukr ka sajda kiya

Shukriya ya Fatima

Dekhtay hain aik hasrat say teri tooti lahad

Aur bhala darwaish kya ho gi kareemi ki sanad

Tu nay har ek matami ka dil baqaiyya kar diya

Shukriya ya Fatima