Subhana Rabbi al aala

Khanjar talay Hussain yeh detay rahay sadaa

Subhana Rabbi al aala

Asghar ko teray naam par qurban kar diya

Gathri mein teray wastay Qasim utha liya

Mainay teri azaan par Akbar kiya fida

Subhana Rabbi al aala

Jis dam Hussain zeen say utray zameen par

Zakhmon sy choor choor thay Sibt e Nabi magar

Pyasay labon py jaari thi tasbeeh e Kibriya

Subhana Rabbi al aala

Kehta hai apnay dil mein woh parwardigar say

Tha yeh kabhi hamari Sakina kay wastay

Ab seenay par sawar hai qatil agar tou kya

Subhana Rabbi al aala

Bazu tarap rahay thay kisi kay lab e furaat

Hanstay huye jo khooli nay mujh par uthaya hath

Lekin lab e Hussain par jaari hai yeh sada

Subhana Rabbi al aala

Pyasa ho zibha dasht mein aur dekhen bibiyan

Manzoor yeh tujhay hai agar Rab e do jahan

Razi teri riza pay hai Zahra ka laadla

Subhana Rabbi al aala

Detay nahi yeh pani jo Zahra kay chayn ko

Kya dukh hai tu nay bakhsha hai kosar Hussain ko

Sola pehar ki pyas ka shikwa nahi zara

Subhana Rabbi al aala

Tukray mere misaal e alif laam meem hon

Lutt jae mera ghar meray bachay yateem hon

Har haal me kahayga nawasa Rasool ka

Nana bhi aye hain meray baba bhi aye hain

Madar ko meri bhai Hasan sath laye hain

Sad shukar surkhuru main buzurgon se ho gaya

Subhana Rabbi al aala

Sheh par chali jo zarb takallum woh akhri

Kat’ti hui ragon ki musalsal sada yeh thi

Mainay jo tujh sy wada kiya tha nibha diya

Subhana rabbi al aala