Ya Hassan ya Hussain

Ay mere bhai Hussain

Ay maa ke dularay

Baba ke laadlay

Taweez mein Hassan ne yeh ro kar likha Hussain

Ro kar likha Hussain

Qasim ko karbala mein nahi rokna Hussain

Haye Qasim haye haye Qasim

Taweez mein Hassan ne yeh ro kar likha Hussain

Ro kar likha Hussain

Akbar ko isse pehle naa maqtal mein bhejna

Nana ka de raha hun tumhen waasta Hussain

Lauta do aaj bhai amanat mujhe meri

Tumne bohot khayaal rakha shukriya Hussain

Marne ki tumne isko ijazat na di agar

Ghut ghut ke mera laadla mar jayega Hussain

Dulhan banata Kubra ko armaan reh gaya

Hojata beta aapka beta mera Hussain

Kamsin se larne aajaye jo arzaq sa pehelwan

Qasim ki jeet ke liye karna dua Hussain

Ghoray tumhari laash pe dauraenge shaqi

Pamaal zinda hoga mera laadla Hussain

Qasim ki tooti pasliyan dekhoge jis ghari

Maqtal mein yaad aayegi maa Fatima Hussain

Maqtal mein girr ke maa ko pukarega mera laal

Zehmat na dega aapko Qasim mera Hussain

Honge nishan sumo'n ke na maa dekh payegi

Chehre pe daal dena tum apni abaa Hussain

Sajjad aasuon se tha akhir mein yeh likha

Laasha uthane bete ka khud aunga Hussain