Thay bain Sakina kay Abbas nahi aaye

Darya pay gaye aise Abbas nahi aaye

Aisa to na hota tha jab tak thay madine main

Kya karbobala aaye Abbas nahi aaye

Ek mai hi na thi pyasi bache bhi to pyase thay

Kyun rooth gaye mujhse Abbas nahi aaye

Keh de koi Sughra se hum bhoole nahi tujhko

Hum kab kay ghar aajate Abbas nahi aaye

Ab chadar e Zainab ka Allah muhafiz hai

Parde kay jo zaamin thay Abbas nahi aaye

Bemaar bhatije par nanhi si bhatiji par

Kya kya na sitam toote Abbas nahi aaye

Darbar ki aarayish aur qaidi rasan basta

Chaubees peher guzre Abbas nahi aaye

Kuch yaad nahi aata aisa bhi hua sibte

Jafar kay bulane se Abbas nahi aaye"