Waqt Sajjad nay kaisay woh guzara hoga

Naam Zainab ka jo ghairon nay pukara hoga

Ya rab koi mil jaaye na pehchanne wala

Bazaar may Sajjad dua maang raha hai

Lo Hussain ibne Ali pyase zibha hone lagay

Kitna sharminda wo darya ka kinara hoga

Wo gira zeen se Zainab ki rida ka zaamin

Kaun ab Fatima jaayi ka sahara hoga

Sar e maidan tu jaane to laga hai Asghar

Kis tarha tere bina maa ka guzara hoga

Nok e naiza pe bahane lage aansun maula

Phir Sakina ko kisi shaks ne maara hoga

Roze mehshar ka hame darr nahi koi shokat

Hath Shabbir ke qadmon pe hamara hoga