Dar jal chuka hay Yousuf e Zahra kab aogay

Zahra sadaein deti hain Maula kab aogay

Al'ajal  Al'ajal Al'ajal

Allahumma aj'il le walie'kal faraj

Zakhmi hain Fatima tooti hain pasliyan

Ya Sahib az Zaman  Ya Sahib az Zaman

De kar sadaein aapko

Leti hain hichkiyan

Ya Sahib az Zaman

Pehlu shikasta hogaya jaldi sambhaal lo

Bint e Nabi ko aag se aa kar nikaal lo

Maula tmhare dadi hain sholo'n k darmiyaan

Ya Sahib az Zaman

Dekha tou hoga zulm nigah e Imam se 

Beto'n kay samnay kabhi logon kay samnay

Haye Nabi ki beti pe durre kahan kahan

Ya Sahib az Zaman

Afzal jo Abu Turab hay kul kainaat se

Khayber ko fat'ha kisne kiya apnay haath se

Wo sher e Kibriya kahan aur rassiyan kahan

Ya Sahib az Zaman

Haye madar ka chehra takti hain hasrat se bar bar

Zainab kay sath sath hain Kulsoom beqarar

Chehry pe neel dekh kay roti hain betiyan

Ya Sahib az Zaman

Aik zalzala sa taari tha qabr e Rasool par

Zalim ne aese haath uthaya Batool par

Bikhri zamee'n pe toot kay Zehra ki baaliyan

Ya Sahib az Zaman

Kis din zahoor paogy ay Ibn e Fatima

Batla rahi hay Zahra ki ye zer e dar sadaa

Yasrab me tumne dekhi hay zakhmon se choor maa

Ya Sahib az Zaman

Ay Waris e Rasool qayamat phir agayi

Ghaibat me tum ho aur shahadat phir agayi

Aa kar suna tou do hamen ghurbat ki daastan

Ya Sahib az Zaman

Har dushaman e Batool ko tukro'n me baant do

Tum ko qasam Hussain ki wo haath kaat do

Jis haath ka hay bibi kay rukhsar par nishaan

Ya Sahib az Zaman

Ayyam e pursadari e Zahra ka wasta

Kartay hain qum me meer takallum ye sab dua

Matam karay baqaiya me har matami jawan

Ya Sahib az Zaman